Pervez Musharraf-a’n LeT leh Hafiz Saeed a thlawp thu sawi chhuak

Pakistan President hlui, Pervez Musharraf-a’n mi firfiak pawl, Lashkar-e-Taiba leh a dintu, Hafiz Saeed thlawptu leh puitu lian ber niin a insawi a, Jammu & Kashmir-a India sipaite an ch>t \hat theih loh nan Lashkar-e-Taiba hi a thlawp \hin niin a sawi. Kum 74 mi, Pervez Musharraf-a hi Dubai-ah a khawsa mek a, Mumbai-a mi firfiakte pawi khawihna rapthlak taka bul tumtu nia sawi, Hafiz Saeed-a hi Kashmir chungchangah pawh a inrawlh ngei a, ani pawhin a thlawp niin a sawi. Musharraf-a hian tun hnaiah political party hrang hrang 23 thawh hona pawl din a nih thu a puang a, Jammu and Kashmir-ah engemaw tih a duh reng thu leh, Kashmir-a India sipaite che thei lova siam chu a ngaih pawimawh thu a sawi bawk. Lashkar-e-Taiba hi pawl lian leh chak tak an nih thu sawiin Musharraf-a chuan, India leh US pawhin mi firfiak pawlah a puang tih a sawi a, Kashmir chungchangah pawh he pawl hi India leh Pakistan inkarah a awm niin Pakistan rama news channel, ARY a hrilh a ni. UN-in mi firfiaka a puan, Hafiz Saeed-a kaihhruai bawk, Jammat-ud-Dawa pawhin amah chu an ngaina niin Musharraf-a chuan a sawi a, Lashkar-e-Taiba hi Pakistan ramah dan pawna hnawl a ni a, a hnawltu pawh Musharraf-a kaihhruai sorkar tho hi a ni a, Musharraf-a chuan, he pawl hi chhan dan avanga hnawl niin a sawi a, a chhan erawh chu a sawi chiang lo a ni. Puan tawh angin, Hafiz Saeed-a hi Pakistan sorkarin pawn chhuak thei lovin a dah a, dah zui zel duh mah se, court-in chhuah turin a ti a, chhuah a ni tawh a ni. India chuan Hafiz Saeed-a chhuah a nih avang hian a lungawi loh thu a sawi a, amah hi kum 2008-a Mumbai-a pawi khawihna, mi 166 thihnaa mawhphurtu bera ngaih a ni.