Person with Disabilities (PWD) Chief Commissioner, Dr. Kamlesh Kumar Pandey-a’n Mizoram sorkar chu rualbanlote enkawl kawngah hmasawnna tur tam tak a la nei niin a sawi. Dr. Kamlesh Kumar Pandey chuan vawiin khan Hotel Floria-ah Press mite kawmin, rualbanlote enkawl \hat dan tehna Category A, B leh C-ah \hen ni ta se Mizoram chu B dinhmunah a awm dawn niin a sawi a ni. Dr. Kamlesh Kumar Pandey chuan sorkar laipuiin kum 2017 September thla khan rualbanlote ham\hatna ngaihtuahtu tur Chief Commissioner for Person with Disabilities a din tih sawiin, hemi ni a\anga kumin March thla thleng khan thubuai 35,690 dawn a nih tawh thu te, heng zinga thubuai 33,957 chu chinfel a nih thu te a sawi a, rualbanlote tana sorkar hna hauhsakna dah chu midang pek phal a ni lova, Dan bawhchhiatna a awm chuan a department emaw, a mawhphurtu officer emaw chu Rs. 5,000/- chawitir emaw, lung in tan thlenga hrem theih a nih thu a sawi. Dr. Kamlesh Kumar Pandey chuan Mizorama a cham chhungin Larsap, Deptt. hrang hrang hotute leh tlawmngai pawl hruaitute a kawm thu a sawi a, Mizoram hmasawnna tura rawtna a siam te chu Chief Secretary hnenah ziakin a thlen tawh tih a sawi bawk.
