Peace Accord MNF Returnees Association (PAMRA) in kum 1986 June ni 30-a remna thuthlung siam anga MNF mi nunphung pangngaia lo kirte Remna Run luh ni, kum 1986, August ni 2 hriat renga lung a phun dawn. He lung phunna tur hian Minister hlui, Pu Rualchhina leh Luangmual Local Council ram pek, remna run hmun buatsaih mek a nia, lungphunna tur hmun buatsaihin vawiin khan PAMRA member-te chu an President Pu B. Zorampara hovin an hnatlanga, an zingah hian Col. Lalrawnliana leh Col. Malsawma-te leh tunhna lama an hruaitu dangte pawh an tel a ni. MNF mi remna thuthlung anga lolet ten Remna Run an luh ni hriatrenga lung phun tur hi feet 11-a sang, a nia,hetah hian remna thuthlung siam anih avanga Remna Run a lawi an ni tih ziah lan a ni anga, a hungnaah remna thuthlung siam vanga MNF mi rammu lo let mi 572-te hming ziah a ni bawk ang. Remna run lawi ni hriat renga lungphun hi kumin August ni 2, remna run luh chanphaah hawn a ni ang.
