PDP President, Mehbooba Mufti-a fanu Iltija Mufti chuan pawn chhuak thei lova thla 8 dawn sorkar laipuiin a hren tawh, National Conference leader Omar Abdullah chhuah zalen a ni ta chu hlim takin a lo lawm.

Hetihlai hian Iltija Mufti-i nu chu Public Safety Act hnuaiah hren a la ni reng a, a nu hren a la nih chungchang chu sawiin, hmeichhe chakna leh hmeichhiate zalenna chu sorkar laipui hlauh ber a ni a ti a, Omar Abdullah an chhuah zalen erawh a lawmpui thu a sawi a ni.

Omar Abdullah hi Public Safete Act hnuaia hren a nih angin February thla khan chhuah zalenna tur thupek chhuah a lo ni tawh a ni. Jammu and Kashmir Chief Minister hlui, Omar Abdullah hi tun thla ni 10 khan kum 50 a tling a, sorkar khuahkhirhna hnuaia ni 232 hun a hmang a ni.