Sorkar laipui Pay Commission 7-na rawt anga Mizoram sorkar hnathawkte hlawh pek theih an nih leh nih loh zir chiangtu, Pay Committee-in ngawrh takin hna a thawk mek a, he Committee Chairman, Pu H. Liansailova chuan, sorkar-in hnathawk tura nikum November ni 13-a a din a\ang khan ngawrh takin hna an thawk nghal niin Zonet a hrilh a. December thla chhung khan \um 2 an \hu khawm hman a, ruahman dan chuan tun thla ni 20 hmaa \hutkhawm leh hman tum a ni a, Mizoram sorkar-a Finance Department a\angin lehkha pawimawh an dilte an la hmuh kim theih loh avangin duh angin an thawk chak thei rih lo deuh na a, lehkha pawimawh an hmuh kim hunah chak lehzuala hnathawh theih an inbeisei thu a sawi. Pu H. Liansailova chuan, an zir chianna chu thla 6 hmaa peih hman tura tih a nih angin a hun takah hna an thawh zawh a beisei thu a sawi a, Pay Commission 7-na ruahman anga sorkar hnathawkte hlawh pek chungchangah hian state dangte thil tih dan pawh zir chian a ni a, chhiah pekna dan thar, GST-a Mizoram dinhmun en chungin thutlukna siam a nih tur thu pawh Pay Committee Chairman chuan a sawi.
Puan tawh angin, Mizoram sorkar hnathawk inzawm khawm pawl, Federation of Mizoram Govt. Employees & Workers-in sorkar laipui Pay Commission 7-na rawt anga hlawh thar lak ph<t nan nikum kum tawp lamah khan lungawi lohna an lantir a, hemi chungchang zir chiang tur hian sorkarin Pu H. Liansailova kaihhruai Pay Committee hi a din a ni.
