Mizoram sorkar hnathawkten sorkar laipui Pay Commission 7-na rawtna anga hlawh pek ve an phut chu tihlawhtling turin sorkarin thil tih \ulte a ti mek niin CM, Pu Lal Thanhawla’n a sawi a, ZONET zawhna chhangin CM chuan. a kaihhruai sorkar chu Pay Commission rawtna tihlawhtlingtu a nih \hin thu te, tunah pawh hian tihhlawhtlin tum mek a nih thu te, hemi chungchang hi Cabinet Meeting-in a ngaihtuah hnuah Finance Deptt.-in sum dinhmun a enfiah tawh thu te, tunah hian tihhlawhtlin tumin Finance Minister hlui, Pu H. Liansailova kaihhruai Pay Committee din a nih tawh thu leh he Committee hian thil awm dan a zi rchian mek thu a sawi a, Central Pay Commission rawtna anga Mizoram sorkar hnathawkte hlawh pek hi ti lo thei lo dinhmunah Mizoram sorkar chu a ding tawh nia sawiin, a kaihhruai sorkar chu nawr ngai lo sorkar niin a sawi. Hlawh bi thar anga sorkar hnathawkte hlawh pe tur hian inpeih fel phawt a ngai a, chumi rual chuan state dangte tih dan leh sorkar laipui chhiah lak dan thar, Good & Services Tax lak a nih hnua Mizoram sorkarin sum a hmuh dan mumal leh mumal lohte thlenga zir chian ngai a nih avangin tunah hian Pay Committee chuan hengte hi a buaipui mek niin a sawi a ni. Zawhna dang chhangin CM chuan, nawrh an huaihawt chungchangah FMGE&W hruaitute chu Finance Minister, Pu Lalsawta leh Chief Secretary, Pu Lalmalsawma nen pawh an inbe pawp reng niin a sawi bawk.
