He workshop, Multidimensional Psychological Trauma Assessment & Intervention for Child Sexual Abuse tih hi National Commission for Protection of Child Rights, Mizoram State Commission for Protection of Child Rights, Mizoram State Child Protection Society leh Social Welfare Department buatsaih a ni a, hetah hian thusawiin Mizoram Director General of Police, Pu Balaji Srivastava chuan Protection of Children from Sexual Offences Act 2012 hmangin Mizoram sorkar chuan kum 2014 a\anga kumin June thla thleng khan thubuai 719 a ziak lut tawh niin a sawi a, pawikhawitute dan anga hremna pek dan chu a \ha tawk hle tih sawiin POCSO Act hman kawngah Mizoram chu ram chhung State dang nena tehkhinin a ti \ha ber a tling niin a sawi a ni. DGP chuan naupangte chunga pawikhawihtu man chhuaka dan ang taka an chunga hremna pek theih nan police te chuan nasa takin \an an la niin a sawi a ni. DGP chuan naupangte case bik ngaihtuah turin Child Friendly Police Station Lawngtlaiah din a nih thu leh District tinah hetiang hi din zel tum a nih thu a sawi bawk.
He workshop hi chawhma lamah Mizoram State Commission for Protection of Child Rights Chairman, Pi Sangzuali Vanchhawngin a kaihruai a. Thusawiin Chairman chuan Mizoramah naupangte chunga pawikhawihna a tam viau nia lang chu misualte hrem an nih theihna tura mipuiin dan hmanga hmalak a \ul zia an hriat tawh vang niin a sawi a, hetiang thil \ha lo thleng hi thuneitute hriattir a, a ti tute hremna pek zel a \ul tih a sawi bawk.
He workshop-ah hian All India Institute of Medical Sciences New Delhi a\anga lo kal Prof. Rajesh Sagar leh Child Psychologist Dr. Renu Sharma ten thupui thlan chhuahte sawiin workshop-a tel te tana thil pawimawh an hrilh a ni. New Delhi-a National Commission for Protection of Child Rights a\anga lo kal, NCPCR Member, Pi Rupa Kapoor leh Child Psychology & Sociology Senior Technical Expert, Pi Shaista Khan te pawhin thu an sawi a ni.
