Shillongah hian mipui sang chuang pungkhawmin Citizenship Ammendment Bill an duh loh thu leh, Inner Line Permit an duh thu an au chhuahpui a, Khasi Hills Autonomous District Council Chief executive member H.S Shylla chuan Meghalaya CM Conrad K. Sangma chu kar khat chhunga ILP hman theiha siam turin an phut tih a sawi a, a ti hlawhtling lo a nih chuan Polo ground-ah tun aia nasaa lungawi lohna lantir an tum thu a sawi.
He punkhawmnaah hian Urban Affairs Minister Hamletson Dohling-a chuan he bill hi pass a nih chuan hmarchhak state ah buaina nasa tak a chhuak ngei dawn tih sawiin he bill hi political party pakhat chauh hlawkna a ni a ti. North East Student’s Organisation hotu Samuel Jyrwa chuan he bill hian ram dang nena ramri in\awm state te tan harsatna a siam nasa dawn a, sorkar laipui hian hmarchhak mi diktakte hi an amahni state chhunga tlem zawk leh inkiltawih taka siam a tum a ni a ti.
BJP MLA Sanbor Shullai chuan mipui te chu karleha Delhi a kal hunah PM hmuin he bill in hmarchhak state te a huam lohna tura sawipui a tum thu a sawi a, thla khat chhunga a tihlawhtlin loh chuan BJP a\anga a ban tur thu a sawi a, Shullai hian Modi hnena memorandum a thehluh tawhah chhanna a la hmu lo a ni. MLA \hin Paul Lyndoh chuan bill hi pass a nih chuan UN an pun tur thu a sawi bawk.
