He bill siam\hatna tura vote lakah member 147-in an thlawp a, a thlawp lo zawngin mi 42-in vote an thlak a ni. Home Minister, Amit Shah chuan firfiaka chetna in sakhua a thliar lova, mihring nihphung kalha chetna a nih avangin, lungrual taka do a ngai a ni a ti.
He dan hi hmansual theih a ni palh ang tih eptu pawlten an hlauhthawn chungchangah Home Minister chuan mimal tinte dikna leh chanvo bawhchhiatna a thlen lohna turin chhawng li-a enfiahna tur he Dan hnuaiah hian ruahman a ni a ti a, mifirfiak ten an telna pawl chu mifirfiaka pawla puan aniha dan pawna hnawl a nih hnuah pawl thar an din leh zel avangin mimal tin mifirfiaka puan theihna tur Dan siam hi a ngai ta a ni a ti.
He dan siam\hat rawtna hi Rajya Sabhaah hnawl a nih hnuin Select committee in a ngaituah leh a, chumi hnuah a tlang ta a ni.
Mimal tu pawh mifirfiak-a puante chuan ni 45 chhungin Home Secretary ah mifirfiaka puan an nihna hlip tura ngenna an thlen thei ang a, hei bakah hian judge retire tawh leh sorkara secretary retire tawh te telna review committee ah an chungchang thu hi an thlen thei dawn bawk a ni.
Lok Sabha-a he bill ngaihtuah anih laiin eptu party \henkhat chuan Dan hmansual theih a nih dawn avangin a him lo a ni an ti a, mimal huat zawngte laka hman sual theih a nih dawn bakah hei hian state hrang hrang te thuneihna kalphung a sawi danglam thei dawn niin an sawi.
July ni 24 khan Lok Sabha-ah chuan he dan The Unlawful Activities (Prevention) Amendment Bill hi pass a lo ni tawh a ni.
