Pawisa tih thih leh GST hman tak te chu India sum leh pai dinhmun ti chhe vek tu niin Congress President Rahul Gandhi a’n a sawi

Pawisa tih thih leh GST hman tak te chu India sum leh pai dinhmun ti chhe vek tu niin Congress President Rahul Gandhi a’n a sawi. Karnataka Maharani’s Arts College-a college zirlaite a kawmnah Rahul Gandhi chuan pawisa tih thih a nih dawnin RBI Governor, Chief Economic Advisor leh Finance Minister te pawhin engmah an hre lo a, P Chidambarama pawhin pawisa tih thih chu atna chi khat a ni tiin min hrilh a ni a ti. College zirlaite pawhin PNB sum tih chingpen thua Sorkar hmalakna chu \ha tawk loa an hriat thu an sawi a, hemi chungchangah hian Rahul Gandhi chuan Nirav Modi a’n cheng vbc 22,000 lai bank pawisa a la a, he pawisa hi in kutah lut ta zawk se, sumdawnna lian tak in din thei ang tiin zirlaite hmaah sorkar hmalak dan a duh khawp loh thu a sawi bawk. Rahul Gandhi hian sorkar chu \halaite tana hnathawh tur siamsak thei lovah a puh bawk a, thiamna nei te pawhin sum leh paia \anpuina an dawng thei lo a, hei hian ram sum leh pai dinhmun a ti chhe mek a ni a ti.