Patna AIIMS damdawiina inentir tum, naupang kum kaw mi chu enkawlna pek tlai a nih avangin a thi. He naupang hi Thawhlehni khan damdawi inah hian a hruai niin a pa chuan a sawi a, damdawiin hnathawkte chuan enkawl nghal mai lo-in, Out Patient Department-a inziak lut hmasa tura an tih avangin rei tak an nghak a, an inziah luh fel hmain, a fanu hi a thi ta mai niin a sawi. A fanu ruang hawnna atan hian damdawiin hian Ambulance a pek duh loh vangin, km 4 vel chu a fanu ruang hi pawmin ke-in a kal niin a sawi bawk.
He thil thleng avang hian Rahstriya Janata Dal hotu, Lalu Prasad Yadav chuan Bihar CM, Nitish Kumar leh a kaihhruai sorkar chu mi retheite hmusit \hinah puhin a sawisel nasa hle a, naupang thihna hi chhui chian a phut thu leh, Union Minister of State for Health, Ashwini Kumar Choubey pawh na takin a sawisel bawk a ni. Pu Choubey hian hman ni lawk khan Bihar-a damlo te chu Delhi-a AIIMS pan loin, Patna-a AIIMS hi pan zawk tura a lo tih tawh bakah, Bihar mite hian natna khirhkhan pawh ni loah Delhi AIIMS hi an pan nasat avangin, damdawiin hi a lun mah mah tawh nia a sawi avangin, sawisel pawh a lo tawk tawh a ni.
