Principal Director chuan, kumina World Day thupui ‘Universal Health Coverage’ chu World Health Organization-in pawimawh a tih em avangin kuminah pawh thupui ngai tho hman nawn leh a ni, a ti a. He hi mi tu pawhin an mamawh hunah enkawlna \ha tak, sum leh pai harsat phah chuang lova an dawn theihna tur a ni tih sawiin, hemi tihlawhtling tur chuan mipuite nen \anrual a pawimawh hle a ni, a ti.
Medical Officer (Planning), Dr. Lalnuntluangi pawhin, Mizoramah pawh Universal Health Coverage neih a nih theih nan Primary Health Care lam tihchangtlun a ngaih thu a sawi a, mipui nawlpui leh hmun kilkhawr ber bera awm te pawh thleng phaka hmalak a pawimawh a ni, a ti. Universal Health Coverage neih theih nan Ministry pawhin hma a la nasa hle a, PMJAY, Health Care leh National Health Mission hnuaia programme hrang hrang te pawh a duang a, heng programme hrang hrang te hian lungrual tak leh in pawh taka hna a thawh phawt chuan Universal Health Coverage chu an nei thei thuai dawn niin sawi.
