Puan tawh angin Pathianni kalta khan magnitude 6.9-a nain Lombok-ah hian lir a nghing a, chenna in tam tak a ti chhia a, tun dinhmunah chenna in nei lo mi 387,000 an awm mek tih thuneitute chuan an sawi a, chin hriat loha awm mi tam tak an la awm avangin, thi zat pawh hi a la pun an rin thu an sawi bawk a, he’ng mite hi leiminin a chhilh emaw, in chimin a delh a nih an rin thu an sawi bawk a ni. Lombok lirnghing hi a nghing nawn nasa hle a, ningani phei kha chuan magnitude 5.9-a nain a nghing nawn leh a, lir a nghin hma chawlhkar khat liamta pawh khan Lombok-ah hian lirnghing vang thoin mi 17 an lo thi tawh bawk a ni.
