Pathianni chhuak chanchinbu Zalen in an dinchampha kum 15 tlin lawmna puala an buatsaih kum 10 kalta chhunga Mizo pa chhuanawm leh hlawhtling ‘Mizo of the Decade’ chawimawina chu Hnam Chhantu Pu R Ramhmangaiha hnenah hlan a ni.

Zalen chanchinbu dinchampha lawmna puala inkhawm Aijal Club-ah buatsaih hi Zalen Quindecennial Celebration Committee Convener Dr. Chawnglungmuana’n a kaihruai a, a hmanpuitu I&PR Minister Pu Lalruatkima’n Pu R Ramhmangaiha hnenah hian chawimawina hi a hlan a, thuziak, memento leh tangkafai cheng sing 1 a kengtel a ni.

Pu Lalruatkima hian tunlaia thudik zik tluak lo social media lama thehdarh tam lutuk a vei thu a sawi a, lehkha chhiar taima tura infuih thar a \ul a ni a ti.