Electric Veng Pastor Bial Kristian |halai Pawl in Branch Committee member, Sub Committee peng hrang hrang member leh Group member te tan ‘Pathian biak inkhawm ngaih pawimawh’ tih thupui hmangin nizan khan Electric Veng Presbyterian Kohhran Hall-ah Seminar a buatsaih. Zirtirna petu, Resource Person Bialtu Pastor Lalrinmawia chuan Pathian biak inkhawm awmzia te, a hlutna te, inkhawm chungchanga harsatna awm thei te sawifiahin, Pathian biak inkhawm chu mihring thil tih chauh ni lovin Pathian leh mihring thiltih dunna a ni a ti a, Pathian biak inkhawm chu thil \ha tihna leh khawvel thil \ha lo kalsanna a ni a, thlarau lam chaw eina, Pathian hnaihna \ha ber, mi \ha leh rintlak nihna leh sual hnehna tura thil pawimawh tak a ni a ti. Khawvel hmasawnna vangte, piantharna tak tak neih loh vangte, sualna leh thlemna hmachhawn thiam loh vangte leh nitina hna \ul vangte-in Pathian biak inkhawm ngaihpawimawhna a tlahniam sawt hle tih sawiin, \halaite chu Pathian biak inkhawm ngai pawimawh turin a chah a ni. Seminar hi Bial K|P Leader, Pu Laldinpuia’n a kaihruai a ni.
