President chuan Parliament house pahnihin Citizenship Amendment Act a pass chu lawmawm a tih thu a sawi, Mahatma Gandhi-a suangtuahnate tihpuitlina a awm chu thil lawmawm tak a ni a ti bawk. President thusawi hi eptu pawlte chuan pawm lovin an aurual a, BJP MP te chuan kut an lo beng thung a, Prime Minister Narendra Modi leh Union Home Minister Amit Shah te pawh rorel inkhawmah hian an tel a ni.
Ram chhung hmun hrang hrangah CAA duh lohna lantira kawng zawh leh punkhawm te huaihawt a ni a, hmun \henkhatah tharum thawha buaina a chhuak a, mi \henkhat nunna chan an awm phah bakah vantlang hmun te tihchhiat a ni a, Ningani pawh khan Delhi-a Jamia Millia Islamia University-a lungawi lohna lantirnaah mi pakhat chuan silai a hmet puak a, zirlai pakhat a kap hliam a ni.
