Parliament in pahnihah hian chuan eptu pawlte hian Rafale indo thlawhna lei chungchanga Supreme Court thuchhuak chu thutawp a la ni lo niin an sawi a, a chhui chiang turin Joint Parliamentary Committee din an phut chhunzawm zel bawk a ni. AIADMK leh TDP MP-te pawhin a hmaa Parliament inkhawm lo neih tawha an thil phut, Cauvery lui tui insem chungchanga thuneitu Board din leh Special Category-a Andhra Pradesh dah an phut chhunzawm zel a, Shiv Sena lam pawhin Ayodhya-ah Temple siam an phut thu an au chhuah pui ve bawk a ni.
Union Home Minister Rajnath Singh leh Union Minister Narendra Singh Tomar-te chuan Congress President Rahul Gandhi-a’n sorkar laipui a puhna te chu behchhan nei lo niin an sawi leh a, a thusawi leh thiltih te chuan ama hming a ti hliau let zawk niin an sawi bawk a ni.
