Parliament In pahnih-ah party hrang hrangte an au buai leh avangin, rorel theih a ni lo leh a, inkhawm tihtawp leh a ni.
Lok Sabha inkhawma TDP leh YSR Congress-te’n rorel lai sorkar laka No-Confidence Motion an put luh sawi chhunzawm theih a la ni lova, Speaker Sumitra Mahajan chuan Motion hi a dawngsawng tawh mahse, MP-te’n midang thusawina hun an kian lo a nih chuan sawi chhunzawm a nih loh tur thu a sawi a, Foreign Minister, Pi Sushma Swaraj-i’n thu a sawi lai pawhin party dang-te hi an lo bengchheng hle a, inkhawm a titawp zui a, chhunlaia inkhawm \an leh a nih pawhin party hrang hrang MP-te an bengchhen chhunzawm zel avangin vawiin atan inkhawm tihtawp a ni leh ta a ni.
Rajya Sabha inkhawmah pawh Foreign Minister thusawi bak thil thleng sawi tur a awm loa, party hrang hrang MP-te’n Punjab National Bank kaltlanga sum tihchingpen chungchanga an lungawilohna leh Special Category-a Andhra Pradesh hlankai an phut thu an aupui avangin, inkhawm tihtawp a ni ve leh bawk a ni.
