He sawi hona kaihruaitu Health Secretary, Pu H. Lalengmawia chuan, India rama rorelna sang ber Parliament-in a lo pass tawh HIV/AIDS (Prevention & Control) Act, 2017 chu Mizorama hmang thei tur chuan he dan zau tak huangchhunga Mizoram state mil tur inkaihhruaina duan hmasak a \ul tih sawiin, chu rules duangtu tur din tur chuan inrawnkhawmna neih a \ul a ni, a ti.
He dan hi Mizorama hman a nih theih nan sorkar chuan hemi kawnga
hmalatu tur Committee a lo din tawh a, hei hi chak zawka bawhzui a nih theih dan ngaihtuahin he inrawnkhawmna hi buatsaih a ni a. Hetah hian Sorkar Department hrang hrang aiawhte bakah HIV/AIDS dona kawnga thawktu tlawmngai pawl aiawhte an tel a. Aizawl District Legal Services Authority Secretary, Pi Silvie Ralte chuan, Mizorama HIV darh zel tur venna kawngah Mizoram State Legal Service Authority chuan theihtawp chhuah a inhuam reng a ni tih a sawi. He inrawnkhawmnaah hian NACO Consultant, Dr. Rajesh Rana chuan, Parliament-in India rama HIV darh zel tur venna kawnga hma a lak dan leh HIV Act 2017 chungchang a sawifiah bawk.
