Parliament-ah President thusawi chungchanga lawmthu sawina motion sawiho

Parliament ah President thusawi chungchanga lawmthu sawina motion sawiho zui a ni. Rajya Sabha ah chuan BJP hotulu Amid Shah chuan Parliament-a a thusawi vawikhatna atan lawmthu sawina motion-ah sawihona ah hian thu a sawi a, Congress hruaitu P Chidambaram a thusawi chhangletin, hnathawh tur nei lova awm ai chuan eitur chikhat Pakoda zuartu nih pawh a tha zawk a ni a ti a, Rajya Sabha-a eptu hruaitu Ghulam Nabi Azad chuan sorkar chu a hnathawktute hlau thlabara siamah puhin, UPA sorkar hma lo lak tawhna te thil thar anga lan tir tumah a puh bawk. Lok Sabha ah chuan BJP member RAkesh Singh chuan thu sawiin Narendra Modi kaihhruai sorkar chuan hriselna chawikan kawngah te, zirna tih hmasawn kawngah te, chenna in nei lo te tana in sak sak kawngah te, ram venhimna kawngah te leh mipui nawlpui hmasawnna tur te in hna a thawk tha hle a ni a ti a. Sorkar hmasa thil tih dan sawiselin, hun hmasa lamah chuan mipuiten eirukna an buaipui a, tunah chuan hmasawnna chungchang an sawi tawh zawk a ni a ti.