Papua New Guinea lirnghing-a thizat chu mi 100 an tling tawh tih an ram PM Peter O’Neill chuan vawiin khan a sawi. Puan tawh angin thla hmasa ni 26 khan Papua New Guinea-ah hian magnitude 7.5-a nain lir a nghing a, lirnghing hian lei nasa taka a tih min zui avangin, chhiatna a inbelhchhah nasa hle a ni. Lirnghing hi lirnghing dangin a chhunzawm nasa hle a, Thawhlehni kal-ta lawk pawh khan magnitude 6.7-a na in lir a nghing leh a ni. O’Neill chuan lirnghing nghawng-a hliam zawng zawng 1000 chuang an awm thu leh, tun thlenga an chin la hriat theih loh-te pawh an la awm tih a sawi bawk a, dinhmun ngai awh leh turin an ramin kum eng emaw zat a mamawh tur thu leh an ram sum dehchhuahna lian ber, tuialhthei khur-te khar a ngaih avangin, an ram sum dinhmun pawhin a tuar hle dawn tih a sawi bawk a ni.
Chanchin Thar Papua New Guinea lirnghinga thi mi 100 tling tawh, chin hriat loh...
