Papua New Guinea ramah vawiin khan Richter Scale-a 6.7-a na in lir a nghing leh a, mi 18 vel an thi tawh. Thuneitute chuan lirnghing hi an ram sana-a zanlai pelh hretah a intan tih an sawi a, kar kalta thawtanni-a lir a nghinna atanga km 31 leka hla-ah lir hi a nghing nawn leh a ni. Puan tawh angin thla hmasa ni 26 khan Papua New Guinea-ah hian Richter-a 7.5-a na in lir a lo nghing tawh a, lei nasa taka a min chhunzawm vangin, in pawh a chhe nasa hle a, mi 55 an thi a ni. Australia leh New Zealand-te chuan an thenawm ramah hian tanpuina tam zawk an thawn belh tur thu an sawi nghal a, sipai thlawhna hmangin, damdawi leh nitin mamawh zualpui leh tarpaulin tunkar chhungin an phur lut dawn tih an sawi nghal a ni.
Chanchin Thar Papua New Guinea-ah lir nghing leh, mi 18 thi tawh
