Palestine hmeichhe tleirawl pakhat, Israel sipai bengtu lunginah tang

Palestine hmeichhe tleirawl pakhat, Israel sipai bengtu chuan a thil tih sual a pawm a, thla 8 chhung lungin ah a tang ang. He tleirawl Ahed Tamini hian amah puhna thubuai 12 zinga 4 te chu pawmin, court ah ngaihdam a dil a, thla 8 lungin-a tang tura hrem a nih bakah hian shekel 5,000 chawi tura tih a ni. He hmeichhe tleirawl hian sipai pahnih duty lai te chu December thla khan kut thlakin a beng a, hetianga a che lai hi video-a thla lak vek a ni a, man nghal a ni. Palestine mi te tan chuan kum 16 mi Ahed Tamimi chet dan hi Israel ten West Bank an awp an duh loh zia lan chhuahna a ni a, Israel mi te erawh chuan buaina siam chak leh mahni intih lar tum angin an ngai thung. Ahed Tamimi i’n Israel sipaite kut a thlak lai video-a thla lo laksaktu hi a nu Nariman a ni a, US in Israel khawpuia Jerusalem a pawm thu a puan duh lohna lantir hunlai December ni 15 khan kut hi a thlak a ni.