US Defense Secretary, Jim Mattis-a’n Pakistan ram thawhpui tumin vawi khat an bei leh dawn tih a sawi a, mi firfiak pawlte chungchang bakah, an kalphung thlak ngaite an hrilhfiah hnuah, Pakistan hian a zawm theih loh chuan, NATO-a tel ramte thawhpui zingah telh tawh loh a rawt bawk. Hemi hma lawk hian, US sipai hotu lian berte zinga mi, Joint Chiefs of Staff Chairman, General Joseph Dunford chuan Pakistan intelligence pawl, ISI-in mi firfiak pawl zawmpui eng emaw zat an nei ngeia a hriat thu a lo sawi tawh bawk a ni. Jim Mattis chuan he thil chungchang sawi tur hian Pakistan tlawh thuai a tum thu a sawi a, Pakistan ram thawhpui tura an beihna hi a hlawhchham leh chuan, President Donald Trump-a’n a \ul ang anga tih zui pawh a inpeih reng niin a sawi. Puan tawh angin, Donald Trump-a kaihhruai US sorkar hian mi firfiak pawlte thawhpui emaw, thlawp emaw chungchangah Pakistan hi a lo sawisel fo tawh \hin a, thla hmasa lawk pawh khan Pakistan ram chhunga mi firfiak pawlte ralmuang taka an awm thei chu hai der chi a ni tawh lo niin a sawi a ni.
