Cricket khel thiam ni \hin, Politician-a inlet ta, Imran khana Party Tehreek-e-Insaaf chu July ni 25 inthlanah khan party mala MP ngah ber a ni a, sorkarna siam theihna khawp member erawh a neih zawh loh avangin party dang a thawhpui a \ul dawn a ni. Prime Minister thar Imran Khan lakluhna inkhawmah hian SAARC ram hruaitute tel tura sawm an ni dawn niin hapta liamta khan sawi a ni a, sawm tur zingah hian Prime Minister Narendra Modi pawh a tel a, hetihlai hian Pakistan thupuangtu chuan lakluhna inkhawmah ram dang hruaitute sawm an ni dawn tia sawi awm chu thu dik lo a ni tih a sawi ve leh thung a ni.
Prime Minister Narendra Modi chuan Imran Khan hi be pawpin, lawmpuina a hlan a, ram pahnih inkarah thawh dunna \ha zawk a thlen a beisei thu a hrilh a, Imran Khan pawh hian hnehna a chan hnua mipui hmaa thuchah a sawiah India nen inlaichinna \ha neih a duh thu sawiin, ram pahnih ten inlaichinna \ha zawk chu an hlawkpui ve ve dawn tih a lo sawi tawh a ni.
