Imran Khan chuan thuneihna a chan hma khan sorkarin mifirfiak pawlte thunun turin tumna tak tak a nei ngai lo a, tun dinhmunah mifirfiak pawla tel mi 30,000 a\anga 40,000 vel Afghanistan emaw Kashmir emaw hmun \henkhata training nei leh pawi khawih \hin an la awm a ni a ti.
US Institute of peace-ah thusawiin Imran Khan chuan kum 2014-ah Pakistan politics chu a nu hle a, Taliban miten Army Public School naupang 150 an that tih a sawi a, hemi hnu hian political party zawng zawngte chuan National Action Plan-ah inremna ziakin, hel pawl reng reng Pakistan-ah an awm tur a ni lo tih chu an thuthlukna a nih thu a sawi a, a kaihhruai sorkar chu mifirfiak pawlte hnawt bo a, an chakna thahrui te chhu chat tura hmala hmasa bertu a ni a ti.
