Imran Khan chuan India leh Pakistan sorkar te thil tum ber chu retheihna um bo a nih thu leh retheihna umbo turin an inhmuh thiamlohna te sawifela inbiakrem a \ul thu a sawi a, an inhmuhthiam lohna awm chhun chu Kashmir a nih thu a sawiin Kashmir chungchang chu khawtlai lova sawifel thuai a ngai a ni a ti. Boruak \ha tak hnuaiah India nen lungrual taka thawh ho a duh thu Imran Khan hian a sawi a, an inhmuh thiamlohna tihfel tumin, a hmaa sorkar te tihdan loh takin tunah hian mifirfiakte lakah pawh khauh takin hma an lak thu a sawi a ni.
India inthlan zawhah, tupawhin hnehna chang se, inbe tura an inrin thu Informaion Minister Fawad Chaudhry chuan sawi a, Pulwama pawikhawihna thlen hnuah ram pahnih inkara boruak \ang tih dai tumin palaite an thawk chhunzawm zel a, mahse Pakistan hotute chuan India inthlan zawhfel hma chu hma lak an tum loh thu a sawi a ni.
