Jammu and Kashmir Pulwama-a thih chilh bomb tihpuah avanga India sipai 40 an thih chungchangah Pakistan Prime Minster hian he thu hi a sawi a, mifirfiakte chetnaah hian Pakistan a inrawlh nia India in a sawi chungchangah finfiahna chhawp chhuak turin India chu a phut bawk. Ningani kalta-a mifirfiakte beihnaah hian India sipai 40 an thi a, Pakistan-a inkhuar mifirfiak pawl Jaish-e-Mohammad chuan he beihna hi an tih a nih thu an sawi.
India sipaite beihna hian Nuclear ralthuam nei ve ve ram pahnih, India leh Pakistan inkar boruak a ti chhe hle a, ram pahnihte hi \um hnih an lo indo tawh a, Jammy and Kashmir bialah hian an in nghirngho chho deuh reng bawk a ni.
Mifirfiakte chetna chungchang a sawi chhuah vawikhatnaah hian Imran Khan hian finfiahna engmah nei lova India in Pakistan a dem \hin chu a bansan a \ul a ni a ti a, Kashmir chungchang buaina chu inbiakna hmang chauha chinfel theih a ni a ti a, India in sipai chakna hmanga Pakistan ram inrelbawlna tih nghin tuma chet a la a nih chuan Pakistan chuan a rul tawkin a chhanglet ngei dawn a ni a ti bawk.
Pakistan Prime Minister hian mifirfiakte chetna chhui zuinaah India pui turin Pakistan a inpeih tih a sawi bawk a, Kashmir-a tharum thawhna thlen fo chhan chu a laimu chhui chian a ngai a, sipai chakna hmanga chinfel chi a ni lo tih hriat a \ul a ni a ti. Pulwama-a mifirfiakte chetna ah hian India chuan Pakistan chu na taka demin, Pakistan sorkar chu a inhnamhnawih a ni a ti a, hei hi Pakistan sorkar erawh chuan a pha thung a, India chuan sum leh paia Pakistan hrek nghalin, insumdawn tawnna kawnga ram duhsak ber nihna Pakistan hnena a pek chu a hlip nghal a, custom duty pawh a let 200 in a tipung nghal a ni.
