Muhammad Aslam hian tleirawl 2, kum 18 leh 16 mi, a laichin hnaite hi a kaphlum nia rin a ni.
Hmeichhe 2 te hi kar hmasa khan Shamplan thingtlangah thah an ni a, he lai hmuna chengte hian puithuna an la ngai urhsun hle a, sorkar dan aiin an hnam dan an la dah sang zawk a ni.
Second 52 a sei video hi kum liamta a lak ni a sawi a ni a, kar liam ta-ah khan a darh ve chauh a, video a lang mipa leh, video-a lakna phone neitu leh hmeichhe chhungte hi police ten thu zawhfiah turin an la nghal a ni.
Video ah hian, Umer Ayaz kum 28 chu pawnah hmeichhe 3 lu khuh te nen an awm a, hmeichhe 2 te hi a fawp a ni.
Video mawi lo tak a siam avangin thubuai siamsak a ni a, man nghal a ni a, amah hi Nupui nei tawh, fa 2 nei tawh nia rin a ni a, hmeichhe 1 a fawh ve loh hi a nupui ni a rin a ni bawk.
Video a lakna phone neitu Fida Wazir chu video ti darhtu nia rinhleh a nih avangin man a ni bawk.
Tleirawl thahte zinga 1 zawk pa leh 1 zawk unaupa te chu he tualthahna hi an report loh avang leh finfiahna te an thup avangin police ten an man tel bawk.
Rights group te chuan Pakistanah hian hmeichhe laka dik lo taka tharum thawhnain harsatna lian tak a thlen mek tih an sawi a, an ramah hian hmeichhe 1000 vel chu chhungkaw zahawmna chhuanlama hmangin tih hlum thin an ni.
