Pakistan-ah hian China Foreign Minister Wang Yi a cham mek a, Imran Khan nen hian Islamabad khawpui-ah an inkawm a, an ram pahnihin insumdawn tawnna lamlian sial an tum, China-Pakistan Economic Corridor, CPEC tih puitlin chungchang an sawi a ni. Puan tawh angin Imran Khan hi Pakistan PM thar a ni a, Wang chuan sorkar thar nen hian thawhdun ngei an duh thu leh, an ram pahnih tan CPEC chu hmasawnna rahbi a nih ngei a beisei thu a sawi bawk a ni. Pakistan President thar, Arif Alvi pawhin China nen kum 50 chuang \ha taka an indawr reng tawh thu leh duh leh thiltum inang nei an ni tih a sawi ve bawk a ni.
