Pakistan PM hlui Nawaz Sharif-a’n thiam loh a channa eiruk thubuai pahnihah kum 7 lung-in tang turin Pakistan Court-in vawiin khan thu a ti tlu.

Puan tawh angin Sharif hi thubuai hrang hrang nei a ni a, kum 2017 July thla khan khawvel ram hrang hrang hruaitute sum chelek dan chungchang hailanna, Panama Papers-ah a hming a lan ve avangin an ram Supreme Court chuan PM a nihna a lo hlihsak tawh a, kummin July thla pawh khan dik lo taka sum hman chungchang thubuaiah thiam loh chantir a lo ni tawh bawk a ni.