Vawiin khan Pakistan Supreme Court chuan PM hlui, Nawaz Sharif-a’n amah ban a nihna a khin l>tna leh, ngaihtuah nawn a dilna chu a hnawl a, puan tawh \hin angin, Supreme Court hian Panama Papers avangin Pu Sharif-a hi July thla tawp lamah khan a ban a, kuim 70 chhunga Pakistan ram PM, an hun hmang zo ta lo 15-na a ni ta a ni. A dilna ngaihtuahtu, Supreme Court Judge, Asif Saeed Khosa chuan Pu Sharif-a lehkha thehluh chu hnawl a nih thu a sawi a, a ukilten point 19 hmangin court thuchhuak hi ngaihtuah nawn leh dil mah se, court chuan ngaihtuah nawn a tum ta lo a ni. Supreme Court hian ei rukna chhuitu, National Accountability Bureau pawh Pu Sharif-a leh a fapa pahnih – Hussain leh Hassan Sharif leh a fanu, Maryam-i chu thubuai siamsak turin a hrilh nghal a ni. Pu Sharif-a ban a nih t^k avang hian MP a nihna bial, Lahor-ah inthlan buatsaih a ni dawn a, a nupui, hrawk cancer avanga London-a enkawl mek, Pi Kalsum-i’n chuh a tum a ni.
Pu Nawaz Sharif-a hrem a nih t^k avang hian, an chhungkuaa a hmun luahtu tur chungchangah inrem lohna a awm nia sawi a ni a, a fanu, Maryum-i leh Pu Sharif-a nau, tuna Punjab CM, Shahbaz Sharif-a’n a hmun hi luah an inchuh nia hriat a ni. Pu Nawaz Sharif-a hian a nau hi PM thar atan a ruat a, mahse Shahbaz-a hi MP a nih phawt loh chuan PM a ni thei lova, hemi hmaa PM atan Shahid Abbasi chu ruat a ni a, Sharif-a hian a fanu, Maryum-i chu a thupuangtu atan a ruat a ni. PML-N hruaitute chuan, Shahbaz-a hi PM a nih mai an ring ta lo va, MP thlanna chuh tur hian Nawaz-a nupui ruat a nih t^k avangin, Abbasi hi inthlanpui neih leh hma chuan PM a nih mai rin a ni.
