Balochistan biala Quetta ah thih chilh bomb hmangin Police motor beih a ni a, mi 31 an thi a, mitthi zingah hian police \hahnem tak an tel a, civil mi tam tak an hliam bawk. Police thupuangtu sawi danin thih chilh bomb ti puaktu hian polling station luh chilh a tum a ni. Khyber Paktunkhawa, Swabi district ah pawh party pahnih mi leh sa te polling station pawnah an inti buai a, silaia an inkahna ah Tehreek-e-Insaf party worker pakhat kahhlum anih bakah midang pahnih an hliam a, Mirpurkhan Polling station bulah pawh mi pakhat kahhlum a ni bawk. Pakistan ah hian tukin dar 8.30 khan mipuiten vote an thlak \an a, vote thlak zawhfel a nih rualin vote hi chhiar nghal tur a ni a, darkar 24 chhunga result puan hman tur a ni. US chuan Pakistan boruak hi uluk takin a thlithlai reng tih a sawi a, State Dept thupuangtu chuan inthlanna zalen, dik leh langtlang buatsaih ngei a nih a beisei thu a sawi.
Chanchin Thar Pakistan Parliament leh provincial assembly inthlannaah mipuiten vote an thlakna hmun hrang...
