Muslim te thla khat chhung chaw nghei hun, Ramadan hman a nih lai hian Pakistan-a Sufi biak in upa ber Data Darbar-a hmeichhe luhna gate bulah bomb hi tihpuah a ni a, mi 5 an thi a, mi 24 an hliam a ni. Police hotu Muhammad Ashraf chuan police thuneitu 3, securiy guard 1 leh civil mi 1 an thih thu sawiin venhim hnathawktute bituma bomb hi tihpuah a nih thu a sawi a, bomb puah chhan erawh an la hmuhchhuah loh thu a sawi. Police hotu Muhammad Kashif chuan thihchilh bomb hmanga venhim hnathawkte lirthei beih tumna a awm nia an hriat thu a sawi bawk.
Sufi hi Islam sakhaw peng pakhat a ni a, Sufi zirtirna zuitute hi Islam mifirfiak te’n Islam rinna dik lo a ni tiin an lo bei fo tawh \hin a ni.
