Pakistan khawpui Islamabad lamlian dangtu mipui pungkhawm leh police intibuai

Pakistan Police-ten an ram khawpui, Islamabad chhuntu lamlian dangtu, mipui pungkhawm hnawh darh an tumnaah buaina nasa tak a chhuak a, mi 70 chuang an hliam a, mipuite hi khawpui dang, Karachi, Lahore, Rawalpindi leh Peshawar-ah pawh an lungawi lohna lantir tumin an pungkhawm leh mek nia hriat a ni. Islamabad High Court-in nimina kawng dangtu, mipuite hnawh darh an nih loh avanga Interior Minister, Ahsan Iqbal chu insawifiah tura a tih hnuah Police 4,000 velin tukin khan political party thar, Tehreek-e-Labaik mi, 2,000 vel chu hnawh darh tumin an bei a, he thil thlengah hian mi eng emaw zat man an ni a, hliam tam tak damdawi inah enkawl an ni bawk. TeL mite hian thil tam tak an hal chhiat bakah police-te hi nasa takin an lo bei let a, an party thupuangtu, Ejaz Ashrafi-a sawi danin, pung khawmte hi mi sang tel an ni a, \in an tum lova, a tawp thlenga beih an tum tih a hmun a\angin phone hmangin Reuters a hrilh a ni. TeL hian Law Minister, Zahid Hamid chu September thlaa inthlan chungchanga dan thar, Elections Act 2017-a rinawmna thutiam chu a tihdanglam avangin bang turin an duh nia hriat a ni.