He hmeichhe naupang Samina Bibi te chenna in hi vur tawlhin a hnawl a, vur hian a chhilh vek a, nasa takin \anpuitu au mahse chhangtu an awm theih loh avangin thi mai turah a inngai tawh tih Samina Bibi hian a sawi.
Neelum phairuam hi vur tawlhin a hnawl avangin tunhnaiah mi 74 an thi a, Himalaya tlang chhehvel hi chhiatna thlen mai hlauhawmna hmun ni mahse, tun hnaia chhiatna thleng hi kum tam tak chhunga a rapthlak bera ngaih a ni. Neelum phairuamah hian chhanchhuah hna thawktuten nungdama chhan chhuah theih an la awm beiseiin beihpui an la thlak mek a ni.
