Zirtawpni kalta khan hel pawl tu tih hriat loh ten school 12 chuang Gilgit Baltistan biala mi an lo hal tawh a, heng school zinga a zatve vel chu hmeichhe luhna bik school a ni. Tuna school hal leh tak te hi Balochistan biala Pishin district ami te a ni a, school hal hun hi zan lam anih avangin thi leh hliam an awm lo a ni. Hel pawl \henkhatin hmeichhiate lehkha zirtir an dodal avangin Pakistan ah hian zirna in ten beih a tawk fo a, kum 2011 December thla khan hmeichhe school pahnih chu bomb hmanga beih a lo ni tawh a, 2004 ah pawh khan Chilas hmuna hmeichhe school beih a ni a, hemi hnu hian hmeichhe hlang zirna school 8 chu hal a lo ni tawh bawk.
