Pakistan rama Kristian pakhat chu Muslim sakhaw tibawrhbanga puh a nih avangin thi tura tih a ni a, a \hian pakhat, Muslim mi hnenah hla pakhat, Whatsapp hmangin a thawn a, he hla hi Muslim sakhaw zah lohna leh sawi chhiatna-ah court-in a ngai a ni. He Kristian, Nadeem James-a thil tih hi nikum July thla khan, a \hianpa, Muslim mi, Yasir Bashir-a’n Police hnenah a thlen a, he hlaah hian zawlnei Mohammed-a leh Muslim mi thianghlim dangte sawi chhiatna a tel niin a sawi. Nadeem James-a hi Ningani khan court-in tihhlum turin a a chungthu a rel a, a chungchang hi ngaihtuah nawn leh turin High court-ah a thlen dawn nia hriat a ni. A ukil chuan, Nadeem James-a leh Muslim nula an inngaihzawn avangin, a \hianpa, Yasir Bashir-a hian tihhmingchhiat dan tur a ngaihtuah niin a sawi a, tualchhung mite leh Muslim sakhaw puithiamten James-a leh a chhungte hi an vau avangin, a chungchang pawh hi lung in chhungah ngaihtuah a ni.
Chanchin Thar Pakistan-a Kristian pakhat Muslim sakhaw tibawrhbanga puh vangin thi turin ti
