Paite Students’ Welfare Association Aizawl-in Sialkal tlangdung High School leh Higher Secondary School zirlaite tana Study Tour an buatsaiha kaltur te vawiin khan vailiam an ni.

Ngopa BDO Pi Lalhruaitluangi’n Aizawl Venghluia Sialkal Range Development Council pisa atangin zirlaite hi a vailiam a, Study Tour neih chhung hian Aizawla hmun pawimawh hrang hrang Assembly house, Larsap chenna Raj Bhavan, Aizawl Theological College, AICS leh Science Center te an tlawh dawn a ni.