Osama bin Laden-a tupa martarin thi niin a pa in sawi

Mi firfiak, Osama bin Laden-a tute zinga upa ber, kum 12 mi chu martarin a thi niin a pa-in a sawi a, Al-Qaida hruaitu hlui fapa, Hamza chuan a fapa, Osama bin Hamza bin Laden-a hi huaisen takin a martar ta niin a sawi a, a thih chhan chiah erawh chu a sawi lo a ni. Thu dawn pakhat chuan he naupang hi Pakistan leh Afghanistan ramri velah, thlawhna a\anga bomb thlak hmanga thah niin a sawi a, a \hen chuan natna engemaw a neih avanga thi a nih a rinawm zel niin an sawi. Hamza bin Laden-a chuan a fapa hi la naupang hle mah se, martar dik tak angin a thi niin a sawi a, leiah maimitchhinga mu-in, hmel hlim tak pu-in a thi niin a sawi. Saudi rama news channel, Al-Arabiya chuan he naupang hi natna engemaw avangin a damlo a, damdawia enkawl \hat a nih loh avangin a thi ta niin a sawi a, Arabic news website, Arabi 21 erawh chuan Al-Qaida hmun pawimawh, indo thlawhna hmanga beih a nih avanga thi niin a sawi thung a ni.