Pu Lalduhoma hian vawiin khan a bial chhunga Thenzawl khua tlawhin, Bazar Venga Joint YMA Hall-a amah lawmna inkhawmah thu a sawi a, a behchhan party chu ZPM nimahse, party bil MLA nih a tum lo tih sawiin, a bial mipui zawng zawng tan MLA a ni a, MLA a nih anga ram leh khawtlang tana rawng a bawlnaah party dang member-te pawh thawhhopuiah a sawm a ni. Pu Lalduhoma chuan, ZPM MLA te chuan anmahni vote lotute pawh an en hrang dawn lo tih sawiin, \anpui theihna an nei a nih chuan puih zel a inhuam thu leh MLA te chu Party bil ta lovin mi zawng zawng ta an ni tih a sawi a, MLA tinte an biala hmasawnna hna an thawhna tur MLA Local Area Development Fund chu sum siamna tur ni lovin, khawtlang tana \angkai taka hman tur a ni tih a sawi a, MLA Fund hi rilru thianghlim taka hman a nih chuan khawtlang leh bial tan \angkai taka hman theih a ni tih a sawi.
Pu Lalduhoma chuan, sorkar hnathawk ten \ha taka hna an thawh theih nan theihtawp a chhuah dawn tih sawiin, a bial chhungah sorkar hnathawk vauva, politics hri \ha lo vanga dik lo taka hnathawh tir an awm a phal dawn lo tih sawiin, hetiang harsatna tawk an awm a nih chuan inthlahrung lova amah hrilh turin a chah a ni. ZPM Leader, Pu Lalduhoma chuan, an pawlin sorkar siam lo mah se, bial tana manifesto an neihte tihhlawhtling tura theihtawp chhuah a tum thu a sawi a, Opposition MLA thiltithei lo nih a tum loh thu leh Mizoram Budget hmang kher lo pawhin eng engemaw a thawh theih a beisei thu a sawi bawk.
He inkhawm hi Thenzawla Serchhip West Block ZPM Chairman, Pu B. Lalhmangaiha’n a kaihruai a ni.
Pu Lalduhoma hi zaninah Thenzawlah a riak ang a, naktukah a bial chhunga khaw pahnih Buangpui leh Neihloh a tlawh leh dawn a ni.
