Vawiina Budget sawihonaah thu sawiin Pu Lalduhoma hian Fianance Department enkawltu Chief Minister-in Mizoram Budget a phar takah nikum lam aia Department 11 enkawlna tur sum dah tlem a ni chu a hriatthiam loh thu sawiin, sum lakluhna tur hriat lawk a ni lo chunga SEDP atan Department sum sawk khawm a ni chu \ha lo a tih thu a sawi a. Hetiang a nih mek laia Minister-te enkawlna tur zaa 40 chuanga tihpun a ni leh MNF MLA zingah MLA fang awm lova mawhphurhna pe a, sorkar bul\an ruala hautak taka kal nghal a ni chu pawi a tih thu a sawi a. Taxation Department chu an sum lakluh zaa 50 chuanga ti pung tura beisei an ni a, hei hian a kawh ber chu chhiah tihpun tur tihna a ni a, hei hi mipui rawk tumna a nih avangin a lungchhiat thlak hle a ni, a ti.
MNF sorkar hmasa khan ren lo taka sum a hman avangin harsatna nasa tak a lo tawk tawh a, tuna an kal dan en hian khatiang harsatna bawk kha an tawk leh ang em tih chu ngaihtuah theih tak a ni tih Pu Lalduhoma hian sawiin, tuna Budget pharhtu hi hman pharh tu tho kha a nih avangin engtin nge an kal zel dawn tih chu ngun takin an thlir reng dawn a ni, a ti. Pu Lalduhoma hian, Mizorama sorkar awm tawh zawng zawng zingah MNF sorkar hmasa khan sum enkawl a thiam lo ber a, hei hi phat theih pawh a ni lo a ti a. Tuna Budget pharh takah hian mihring mamawh zualpui, Basic Needs phuhrukna tur ruahmanna a tel lova, \halai leh kuthnathawktute tan lawmna tur a awm lo nia sawiin, tuna a lan danah chuan kum 5 chhung chu kalphung hluiin an kal leh dawn tih a lan avangin a lungngaihthlak hle a ni, a ti.
Budget tlangpui sawi honaah hian member \hahnem takin thu an sawi a, tlai dar 3:15 khan sawi hona hi zawhfel a ni a, Speaker, Pu Lalrinliana Sailo chuan \hutkhawmna a titawp lailawk nghal a. Naktuk a\ang chuan Minister hrang hrangte Department chanpual enkawlna tur sum ruahman sawi ho \an a ni ang.
