Ministry of Social Justice and Empowerment in ruihhlo hmangtute dinhmun a zirchianna, Magnitude of Drug Use in India 2019 tiha tarlan anih danin Sedative Drug tia an sawi, ruihhlo ti \hin tam lamah pawh Mizoram chu a sang ber state zingah a tel a ni. Vawiina khawvel pum huapa ruihlo hmansual leh ruihlo tawlh dona ni, International day against drug abuse and illicit trafficking puala Dawrpui Multipurpose Hall-a ruihhlo leh a nghawng zirhona ah Mizoram dinhmun hi sawilan a ni a, thusawitu Social Welfare Minister Dr. K. Beichhua chuan ruihlo hmansual leh dan kalha ruihlo tawlh dona kawngah mi zawng zawng \anrual a \ul tih a sawi a, sorkar, tlawmngai pawl, de-addiction centre enkawltute leh mi \hahnemngai fal te kuta dah ringawt chuan thui a kal theih loh a, ruihlo hman chu ven theih a ni tih hriat a ngai a, a hmang mekte pawh enkawl dam theih an ni tih hriat reng a ngai a ni a ti.
Inkhawm-ah hian Mizoram Drug User Forum a\angin ruihlo ngai \hin damna chang tawhten an harsatna leh an thil tawn te behchhanin fuihna thu an sawi a, ruihlo ngaite enkawltu lam a\angin SHALOM CEO Dr. Chawnglungmuana’n thu a sawi bawk a. Central YMA Vice President Pu R. Lalngheta kaihhruaina hnuaiah kalkhawmte chu ruihlo ngaite \anpui turin an intiam thar a, ruihlo avanga nunna chan te sun nan sathau khawnvar chhit a ni bawk.
