Odisha leh Bengal-a cheng mi nuai 5 vel chu hmun him lamah insaseng tir an ni tih National Disaster Response Force hotu, SN Pradhan-a’n a sawi a, chhiat tawh thulha chhanchhuah hna thawk tur NDRF team 41 tirh an ni tawh tih a sawi bawk.
West Bengal-a Digha-ah chuan tukin khan ruah a sur nasa hle a, tuipui fawn a nat bawk avangin tuipui hnaiha chengte chu hmun him lamah an insaseng a ni.
Thawh\anni khan cyclone Amphan chu super cyclone-ah insiamin, Digha a nuai hnuah a tleh nat zawng chu zawi zawiin a tlahniam dawn tih weather office chuan a lo tarlang tawh a, Digha tuipui kam tuifawn nasa takin a hrut chu thlipui na tak thawk tur entirna nia ngaih a ni a, Digha-a East Midnapore chu district 7 zingah cyclone hmatawng tuar tur a ni.
He thlipui tleh vang hian mi sing 5 vel hmun him lamah an insaseng a, Kolkata-ah chuan inkharkhip chhunga thlawhna a bika service tura ruat te chu naktuk zing dar 5 thleng \umhmun khar a nih dawn vangin an service tihtawp lailawk a ni.
