Nimin khan Odisha-ah kawngpui chunga lei dawh, fly over pakhat a chim avangin mi pakhat a thi a, mi dang 11 an hliam bawk a, he thil thleng avang hian vawiina Odisha Assembly session-ah eptu pawlten state CM, Naveen Patnaik chu bang turin nasa takin an ph<t a, rorel inkhawm pawh vawi hnih tihtawp a ni. Vawiina rorel inkhawm \an a nih veleh Speaker, Pradip Kumar Amat chuan CM chu he thil thleng chungchang sawifiah turin a ti a, PWD enkawltu, CM-in a sawifiah laiin Congress leh BJP member-te chu House laiah chhuak khawmin, CM chu bang turin an ph<t a ni. He thil thleng avang hian he lei dawhtu, Panda Infra Project (India) Pvt Ltd leh Deputy Executive Engineer, Bansidhar Praharaj leh Assistant Engineer, Kishore Kumar Rout chu thubuai siamsak an ni tih CM chuan a sawi a, Engineer pahnih hi an hna a\anga chawlhtir nghal an nih thu a sawi b^kah, Executive Engineer, Dukhabandhu Behera pawh chawlhtir a ni a, Chief Engineer (Designs) leh Chief Engineer (Roads) telna, a chhuitu tur Committee pawh din nghal a nih thu a sawi. Pu Naveen Patnaik-a chuan he Committee hi chawlhkar khat chhunga a report thehl<t tura tih a nih thu sawiin, he thil thlen chhana a mawhphurtute chu na taka hrem a tiam a ni.
He lei hi dawh lai a ni a, nimin chawhnu-ah khan, mi 15 velin hna an thawh laiin a chim a, hliam zinga 4 chu an na hle nia hriat a ni. CM chuan thi ta chhungte hi cheng nuai 5 p>k a tiam a, hliamte enkawlna senso pawh sorkarin a tum tur thu a sawi. He lei chima thi hi sumdawng, kum 39 mi, Satya Patnaik a ni a, a fanu, Sheetal nena he lei hnuaia an kal laiin lei hi a chim a ni.
