October ni 21-a Haryana Assembly inthlanna neih tur kaihhnawihah Gurgaon Police-in dan bawhchhetu leh man tura tih tlanchhia mi 28 an man nia sawi a ni.

Hengte bakah hian model code of conduct kalha dan lova zawrh ruihhlo leh zu \hahnem tak an man bawk.

Gurgaon Police hotu Subhas Bokan sawi danin lung in tang bail-a chhuak te, man tura veh lai tlanchhia te, dan bawhchhetua puan te, dan bawhchhetu bail theih loha an chungthu rel te leh tualchhung dan bawhchhetute chu uluk taka enthlak reng an ni a, thil sualtitu dan phal loha ralthuam kawl emaw, dan lova zu tawlhrua puhte chu a bik taka enthlak an ni a ti.

Haryana Assembly inthlanna neih tur kaihhnawihah hian ram chhunga siam zu bottle 3,791, beer 600, ram pawna siam bottle 1,051, ni 10 chhungin Excise Deptt.-in an man a, marijuana hnah kg 4.3, opium kg 1.9 an man tel bakah pawisa lem Rs.49,62,500 hu an man bawk a ni.

Haryana-ah hian dik leh felfai taka inthlanna a awm theih nan dan phala silai kawltu zawng zawngte chu thuneitute hnenah an silai tung \heuh tura hriattir an ni a, silai kawltu license nei 6,100 zingah mi 5,246 ten an tung a ni.