YMA General Conference an thlen tur chungchangah hian North Vanlaiphai Joint YMA-in mawhphurhna hrang hrang a ruatten an chanvo \heuh tihlawhtling turin an inbuatsaih mek a, inkhawmpui neihna tur Pandal pawh zaa 75 vel an sa zo tawh a ni. North Vanlaiphai khaw chhunga veng hrang hrangte pawh he khawmpui thleng tur hian an inbuatsaih nasa hle a, mipuite chu faina leh thianghlimna kawngah inpuahchahin an huam chhungah \heuh hnatlangin faina kawngah hma an la hlawm a ni.
North Vanlaiphai Joint YMA chuan, YMA General Conference an thlen tur chungchangah an khaw \henawm leh mi inphal hnen a\anga \anpuina engemawzat an dawng chu an lawm hle tih an sawi a. North Vanlaiphai-in YMA General Conference a thlen tur chu Conference neih tawh zinga palai kal \hat ber tum a nih theih nan an khawtlang chu an inbuatsaih tih sawiin, YMA member zawng zawngte chu he khawmpuiah hian kal vek turin an ngen a ni.
