Nungcha humhalh kawnga mipuite rilru kaihthawh tuma hmalatu hmasa, Pu James Dokhuma’n kum 1992-a a silai a tun chu chin hriat lovin a bo a, a aiawh silai dang dah a ni tih Environment, Forest and Climate Change changtu Chief Minister Pu Lal Thanhawla’n a sawi.
Vawiin Assembly rorel inkhawm, zawhna leh chhanna hunah Pu James Dokhuma silai tun, bo ta chungchang hi sawi chhuah a ni a, Chief Minister chuan, Mizote zingah nungcha humhalh nachang hria an awm lawk loh avangin ramsa leh nungcha dangte a rem hman lek lek a, kum 1992 vel a\ang khan Pu James Dokhuma’n hemi kawngah hian hma rawn la \anin a ma \hahnemmngaihnain silai a tung a, hei hi uluk taka enkawlin, a kawrte siam a ni a ti a, DCF Wildlife Office-a dah \hin chu hun engemawchen kalta a\ang khan a awmna chin hriat a ni ta lova, a awm theihna tur hmun hrang hrang dapkual ni mah se, an hmuhzawh loh avangin a aiawh tur silai dang dah a ni a, hei hian a tak phuhru zo lo mah se, a zahna lantir nan a dang hi dah a ni tih Pu Lal Thanhawla chuan a sawi.
MNF Member Pu Lalruatkima zawhna chhangin Chief Minister, Pu Lal Thanhawla chuan Department-in silai a man zinga tam zawk chu dan kalh siam UT silai a nih thu leh a lo bo a nih pawhin a bo ve ni maia a ngaih thu a sawi a. Vawiin thlengin nungcha humhalh duhna vanga silai tung mi 248 an awm tawh thu leh chung zinga a tlem zawk chu License nena tung an nih thu a sawi a, heng silaite hi an tunna Division \heuhah kawl \hat a nih thu leh silai tungtute chu an mahni duhthu renga tung an nih avangin lawmman pek an nih loh thu a sawi. Sorkar Custody-a silai tun pawh a him lo a nih chuan a tung tawh ten an la let leh thei em tih zawhna chu chhangin Police Custody-a mihring thahna hmanraw dah pawh a bo thei a nih chuan Police Custody-a mi pawh ni lo, Forest Department kuta mi chu a bo ve ni maia a ngaih thu leh mak a tih lem loh thu Pu Lal Thanhawla chuan a sawi a, Forest Department-in silai a man zinga tam zawk chu dan kalha siam UT silai mai a nih hlawm avangin a kawl \hat chu Department mawhphurhna pawh nia a hriat loh thu a sawi. Hemi chungchang Chief Minister-in a chhanna hi zawhna neitu Pu Lalruatkima’n a duhkhawp loh avangin rorel lai member-te nen an inhnialbuai nual a ni.
