Ministry of Health & Family Welfare, Government of India in a buatsaih ‘I Pledge For 9’ Achievers Award 2018 ah Mizoram chuan June 29 khan lawmman hi a dawng a ni. Nu raicheha thi leh nausen thihna ti tlem tura sorkar laipui hmalakna Pradhan Mantri Surakshit Matritva Abhiyan (PMSMA) hnuaiah nu naupai te chu thla thar apiangin vawikhat tal an inentir tur a ni a, District Hospital, Sub-District Hospital, Community Health Centre leh Public Health Centre ah te thla thar ni 9 apiangin a thlawna inentirna hi buatsaih \hin a ni. Award dawn lawmna hmanpuitu Health Minister Pu Lal Thanzara chuan National Health Policy 2017 hnuaiah kum 2020-ah chuan raicheha thihna leh nausen thihna thlen \hin chu nasa taka tih tlem tum a ni tih a sawi a, Sorkarin mipui hriselna a ngaih pawimawh avangin District Hospital leh MIMER, Falkawnah te damlo enna hmanraw chang kang tam tak a lei thar a, phai lam damdawi in liana dam lo inthawn ngai zat pawh a tlem phah a ni a ti. Award lawmna hi NHM Mission Director Dr. Lalrozama’n a kaihruai a ni.
