Pu C. Remtluanga chuan, MR te chu a hminga sorkar hnathawk nia lang mahse an dihmun erawh \ha lo tak a nih thu a sawi a, an dam loh pawhin an inenkawlna senso an bill ve thei ngai lo a, an hnathawk lai an thi a nih pawhin pension an nei lo a, kum 60 an tlin chuan maipar thlawnin an thlawn nghal mai thin a ni a ti a, council of Minister \hukawmin dinhmun \ha deuh zawka awm tura thutlukna an siam ta chu duhthusam tak ni lo mahse a hma ai chuan a \ha tawh hle dawn a, nidanga an la dawn ngai loh leh chawlh te pawh an neih theih tawh dawn avangin lawmawm an ti hle tih a sawi.
NTUM te ni nimin a council Of Minister thutkhawm lai hian an chungchang an ngaihtuah dawn tih hriain High School field ah chanchin ngaichangin an pungkhawm a ni.
Nimin a council Of Minister in MR te chungchanga thutlukna a siam ang chuan Muster Roll tih chu Provisional Employee tia thlak an ni a, Minimum Wages Act hnuaia hlawh an lak \hin chu pay structure hran nei tura ruahman a ni a, an hlawh kumtin basic pay atanga zaa 4 a tihpun a ni tawh dawn a, Travelling Allowances, Daily Allowance leh transfer allowance leh chawlh hrang hrang te leh ham\hatna hrang hrang pek an ni tawh dawna ni.
